Bìnnn – bìnnn … corä-corä … bìnn-bìnn … mo che armôr fala cla massa lì? Mah… s’rala da comodär? Mo no, l’è nova; a sarì vuätor cha’n sì migä bòn ‘d drovärla. L’è inutill andär a strolgär che s’an ‘s battä migä l’è parchè na massa l’è blò e na massa l’è rossä; saì co’gh’ vol? Dal lambrussch e dal cavall pist, vamolà. N’i migä vist che iarsirä anca sensa al canlètt dal mago Merlino (che po’ l’era la massa ‘dla Kuzza, còla blò ch’emma drovä par soquant ani, alzéra e bela longa, penna penna imbragäda mo ancora bonna da drovär, penna penna zmoltida…) col ragass l’a strabuccä n’ätra bala zvèn a la colonnä dl’Enel? E alora chi gh’a razòn? Saì co gh’i da fär? Quand a gh’i da zugär ancòra, magnì e ‘bvì primma d’la partidä, cl’è la manera pu’ sientificä par zlongär il batudi. Sionò, sa vrì dil batudi fatti par bén, ciamì un pajsàn cha’l conta dil barzlètti.…