Mo che bräv zugador! Dò partidi vunna pu’ bela che cl’ätra con dil zugädi da profesionistä. L’ultma sira al Stuard j’emma vist un spetacol sportiv. Chi ommin là, un po’ rotond par la bodrigä mucciäda int j’ultom quarant’an, i parevon na squädra äd ragassén: i corevon cme di mat, i batevon cme di frär e i difendevon la bala int na manera cha’n t’è gnàn deviz! Sa fisson tutt acsì, veh!!! Sarisson belle pront par vensor tutt i scudètt, grand e picèn. Però l’è na gran sodisfasiòn issor rivä ala fén d’l’an con tre squädri in finäla! Speremma äd tirär a cà quel ‘d bòn! Cla s’mana chi a saremma in camp par sbrajär “forsa Crozettä” ai cadètt, cla n’è miga na machina äd l’Opel, l’è la squädra dal Chiuzza, Danilo e Davide. Fì di gargarizom con l’acqua zläda e gnì a t’gnir su chi giovon, parchè i s’al meriton. Dopa tant sacrifissi e tant lavor bisogna che quel a sälta fora. Mi o belle preparä la vuvuzela, i mortarètt, la bandera e ‘l tambur. A se scuzarì sa n’emma miga parlè tropp dal slopìcc’ incò, mo l’ocaziòn l’è troppa grossä. Alè, alè, Crozettä, dai ragass, sfì zò cla balennä e piturì al camp bianch ross e verd, cha godemmä ancora’n po’ !!!