Beh, mo co’ è success iarsira? Parchè parev’ni acsì bej chi ragass ädla Crozéttä dal slopicc’? Eh, n’i miga vist co’ i gh’ev’n adoss? Na bela maja blò növa da spianär. Ah, j’eron bej bombé, i parevon na clasa äd scola primma äd la guera: tutt vestì compagn, bei petnä e con na voja ‘d zugär da fär voja! Po’, cui ch’è stä inti spogliatoio primma dla partida ian ridù da dio quanda al Fazo al sarcäva äd mettross la maja d’un quelchidòn ätor… I gh’an dmandè che numor al gh’iss e lu’ l’a ditt “gh’o l vintiquator” … mo troja d’un pît, nal sät migä ch’emma tôt il maji coi nummor infinna al vint? “Eh,” l’a ditt ,”alora damm al vintidù!” Beh, ala fèn di cont agh semma gnù’d co’ e ognòn l’è stä content dal so numor, parchè con na livrea dal genor al sariss andä bén anca al darsètt… Adesa agh cala che un pär’d bräghi un po’ fennji e i’s podrann där di sjori!