Beh, sì, insomma... Beh, va bè... Eh... sì... insomma... a tribùl un po' a parlär parchè n'o migä ancòra fnì'd boffär j ultom spirit dl'ätra sira, quand a gh'è stä la festa par la promossiòn in serie A dla Crozettä. As pardonarì, ahn? Eh, a diriss, parchè la n'è migä na coza da tutt i dì, an gh'è paroli e 'n gh'è gnenta par spiegär co's prova in chi moment lì, l'è na sensassiòn cha's senta e basta, l'è la blessä, l'è la felicitè, l'è quel...quel... beh, insomma, a n'al so miga, va bèn? Vamolà, lasiss un po' godor ste moment primma äd feross su il manghi e metors in camp par na nova partida e n'ätra competissiòn! E po', co vrevov pretendor da chi povor vecc' ch'jan dovù zugär dò partidi drè filä a slopìcc... Mo meno male che almeno vunä l'emma vensa! Sì, parchè zà bonora i nostor i parevon propjä strassä, veh? Mo dopa issor stä batù a l'ultom inning dal Mecio e compania belä, cme int un miracol i gh'l'an caväda a bator la squädra pu forta dal torneo, i canlador vestì äd partugal! E sti migä gnirs a dir ch'emmä drovä di trucch, parchè äd profesionista a gh'n'era dedzà e dedlà. Al so mi co è stä a där la carga giusta ala Crozettä, e costa la n'è miga na novitä, a gh' vrà miga n'inzgner a capirla: la fama e al parfum dla sennä chal riväva dal vilén dal Bevabé infinnä in camp sotta al nostor näz… che côghi, ragass, brävi e beli !!